Int al Residence a Bulåggna ai é un gran Camarån, con la żòna pr al dé e par la nòt separè con di mòbil.

Int al monolochèl ai pôl stèr infén a 4 parsån. As i pôl métter un lèt matrimugnèl o di lèt par cånt sô.

Äl cuṡén äli an al giazarén, la levapiât, i pian ed cutûra e al fåuren a microånnd, pò ai é i sû piât, i bichîr, äl puṡèt e äl pgnât.

In tótt i apartamént ai é anc i sû uṡvéi tètnic/eletrònic: la televiṡiån Lcd, l’âria condizionè, la lavatrîz, la pôrta blindè col citòfon e la casafôrta.
Tótt i apartamént i én atâc al WI-FI par sô cånt, con na tecnologî ed nôva generaziån.
Al colegamänt l é fât in manîra ch’as i pôl atachèr un frâc ed dispuṡitîv int l istàss mumänt, ṡnadrazànd int la raid ṡvêlt e sicûr.

Socuànt apartamént i an anc al balcån o una gran terâza.

Clécca bän qué par vàdder i Uṡvéi e i Sarvézzi Residence ch’ai é in ògni Apartamänt.